-->

معلومات مفيدة حول Appel d'urgence

معلومات مفيدة حول Appel d'urgence



بزاف ديال الناس كيتجاهلو واحد الخدمة اللي هي من أهم الخدمات السريعة والمفيدة اللي كيقدمها الهاتف النقال.. واللي هيا ؟؟! Appel d'urgence بمعنى اتصال لطلب النجدة.
ولكن كيفاش؟

بكل بساطة كاتمشيو les paramètres ديال النوامر وكاتقلبو على ECU اللي هيا مختصر ديال En Cas d'Urgence. وفهاد l'option تقدو دخلو نوامر اللي بغيتو.. واللي نتوما عارفين غادي يكونو مهمين الى وقعات ليكم شي حاجة فالزنقة الله يحفظ (كسيدا، إغماء، أزمة... وغير ذلك) وبكل بساطة كاتدخلو مسبقا مجموعة من النوامر مثلا ديال ماماك، باباك، خوك، ختك، جيران، عمتك، خالك، صاحبك، صاحبتك... باش تسهلو المأمورية على الطاقم الأمني والتطبيبي في حالة كان الهاتف ديالكم مقفل Verouillé.. وعافاكم أهم حاجة الي ما تنساوهاش واللي فنفس الوقت ما خاسرين عليها والو هيا تزيدو هاد 5 ديال الأرقام المجانية؛ حات بزاف ديال الناس المزيانين من عامة الشعب واللي مستعدين يقدمو يد المساعدة بنية خالصة كيخلطو بيناتهم..
- خدمة المساعدة الطبية المستعجلة (SAMU) : 141
- الوقاية المدنية: 15
- الشرطة: 19
- الدرك الملكي: 177
- الطريق السيار: 5050
هادي معلومة صغيرة من المعلومات اللي خاص أي مواطن، خدمة للمصلحة الإنسانية، يكون عارفها.. وتاقنها مزيان. ما تخليهاش عندك بوحدك.. شاركها معا الناس اللي كاتعرف.. اللي قارين واللي ما قارينش.. تقد اليوما تعاون وغدا تقلب على شكون يعاونك..  😊
منقول